On 3rd March 2026, Mizoram Science Centre organized a Photography Competition on the theme 'Capture the Lunar Eclipse' .
The following are the top 3 winners.
1st: Vanlalpeka
2nd: Samuel KT Lianchhunga
3rd: Zarzoliana
1st : Vanlalpeka
2nd: Samuel KT Lianchhunga
3rd: Zarzoliana
LUNAR ECLIPSE (Thla Awk Lem)
- Lalrinnungi, Assistant Curator, MSC
Van lama thil thleng ṭhin hmuhnawm tak pakhat chu thla awk lem hi a ni. March ni 3, 2026 khan kumin chhunga a hmasa ber atan Thla in awk a lem a, Mizoram aṭang pawhin a hmuh theih a ni. He van lama thil thleng denchhen hian Mizoram Science Centre chuan Thla awk lem lai thlalak hmanga inelna a buatsaih a, mi engemaw zatin an thlalakte an thehlut a ni.
Thla awk lem a lo thlen hian Ni leh Thla inkarah Lei a rawn in zep tihna a ni a, Lei hlimthlaah chuan Thla chu Lei a hel kualna lamah a rawn tawlh lut ṭhin a ni. Tichuan, Thla bial eng tak mai chu vawi leh khatah rawn thim tial tialin, hun reilote chhungin a lan dan a rawn danglam ta ṭhin a, Thla eng tak chu a rawn thim sen duk ta khuih mai ṭhin a ni. Blood Moon tia an sawi ṭhin hi a inhmeh hle a ni.
Thla a sen chhan hi science thiamna chuan Rayleigh scattering a ti a. Ni eng kan hmuh hi a var angin lang mahse, rawng hrang hrang chhimbala kan hmuh ṭhinte inpawlh hi an ni a, he Ni eng hi lei tuamtu boruaka a lo luh hian a darh ta ṭhin a, an wavelength neih dan a zirin an nghawng a danglam ṭhin a ni. Rawng pawl lam hi an wavelength a tawi zawk avangin boruaka an luh hian an darh hma bik a, chhun lama van pawl chhan pawh hi a ni a. Rawng sen lamte hi an wavelength a sei zawk a, boruak chhah tak pawh awlsam takin an pal tlang thei thung ṭhin.
Thla awk lem a lo thlen hian, Lei hian Ni eng chu a hliah a, mahse, Ni eng tlem chu Lei sir vela boruak (atmosphere) atang khan a rawn kawi lut a, Thla kha a rawn chhun leh hram ṭhin a ni. Boruak khan rawng dang wavelength nei tlem deuh ho zawng zawng a lo ṭai darh tawh avangin, rawng sen lamte chauh khan Thla a va thleng a, Thla chu sen duk deuh khuih hian kan lo hmuh phah ta ṭhin a ni.
National Aeronautics and Space Administration (NASA, USA) chuan he thil hi "Khawvela ni chhuak leh ni tla zawng zawng sen phut maite Thla chunga va inkap darh ang a ni” an ti hial a. Lunar Eclipse hi chi hrang hrang a awm a. Total, Partial leh Penumbral tiin an thliar hrang a, tun ṭuma mi hi total eclipse a ni a, hetiang hi December ni 31, 2028 ah kan dam chuan kan hmu leh chauh dawn a nih hmel hle mai.
