PUBLIC LECTURE ON ‘ASTRONOMY’ HUN HMAN A NI
Dt. 08.12. 2025 (Thawhtanni) zing dar 10 khan Dept. of Physics, Mizoram University leh Mizoram Science Centre, Directorate of Science & Technology hmalaknain Dawrpui Multipurpose Hall ah ‘Astronomy’ chungchang thlir zauna leh zir hona hun hman a ni. Dr, Martin George, Principal Astronomer, Hive Planetarium, Tasmania, Australia chu speaker niin, Prof. Pravakar Rath, Pro Vice Chancellor, Mizoram University chu Khuallian a ni.
He hunah hian Aizawl khawpui huam chhunga school hrang hrang 10 atangin zirlai leh zirtirtu mi 400 lai an kal khawm a. Dr. Lalrinkimi, Curator, Mizoram Science Center chuan program buatsaih a nih chhante leh speaker chanchin sawi zauna hun a hmang a. Dr. Martin George chuan zirlai naupangte leh kalkhawmte vanlam chanchin zirtirna hun a hmang chhunzawm a, zawhna leh chhanna hun hlawkthlak tak hman a ni.
Prof. Pravakar Rath, Khuallian chuan thu sawiin zirlaite zinga vanlam chanchin zirna hun leh science zirna lama zirlaite tihmasawn thei hun buatsaih a ni hi lawmawm a tih thu a sawi.
Dr. Lalthakimi Zadeng, Associate Professor, MZU chuan lawmthu sawina hun a hmang a. He programme sponsor tu LB Associates, Bungkawn Veng, Aizawl te chungah lawmthu sawiin, he hun hlawhtlin theih nana tha leh zung thawhtu leh hun hman puitute zawng zawng chungah lawmthu a sawi bawk a ni.
Image Caption
