Dt. 08.12. 2025 (Thawhtanni) khan Mizoram Science Centre-ah ‘History of Astronomy of the Mizo People’ tih lehkhabu chu Pu Vanlaldina Fanai, Commisioner & Secretary, Planning & Programme Implementatiom Dept., Govt. of Mizoram chuan a tlangzarh a. He lehkhabu hi May, 2023 - a Dept. of Physics, MZU leh Mizoram Science Centre ten Symposium an buatsaih tum a mithiam hrang hrangte paper ziah dahkhawm a ni a. Editorte chu Dr. Lalrinkimi, Dr. Lalthakimi Zadeng leh Dr. Martin George te an ni.
Pi Lalrinnungi, Assistant Curator, Mizoram Science Centre chuan programme a kaihruai a. Prof. H.K. Laldinpuii Fente, Director of International Affairs, MZU chuan lehkhabu release tur leh editorte chanchin sawina hun a hmang a. Pu Lalbiakmawia Ngente, LB Associates, Aizawl chuan lehkhabu thlirlawkna hun a hmang. Editor pathumte – Dr. Martin George, Principal Astronomer, Hive Planetarium, Tasmania, Australia, Dr. Lalthakimi Zadeng, Associate Professor, Dept. of Physics, MZU leh Dr. Lalrinkimi, Curator, Mizoram Science Center, Dte. of Science & Technology te hnen atangin thusawi tawi ngaihthlak a ni a. He lehkhabu a ziaktu hrang hrang te’n thu an sawi chhunzawm bawk.
Pu Vanlaldina Fanai, Commisioner & Secretary, Planning & Programme Implementatiom Dept., chuan lehkhabu hi a tlangzarh a. Chhimtute hnen atangin thusawi tawi ngaihthlak a ni bawk.
Pu K.Lalrammuana, Principal Scientific Officer, Directorate of Science & technology chuan lawmthu sawina hun hmangin he hun hi a titawp a ni.
Zan lamah Dr,. Martin George ho in digital planetarium star show te neih anih bakah, St. Stephen's School, Ramhlun zirlaite pualin telescope leh mit lawng a vana arsi langte thlir ho na hun hman a ni bawk.
He lehkhabu tlangzarhna programme hi LB Associates, Bungkawn Veng te chuan an sponsor a ni.
